Turrys Taggloo

A Manx language tour of the Isle of Man with Brian Stowell, stopping to chat with nine Manx speakers along the way.

‘Sy feeshan shoh, va jeant ayns 1998, ta Brian Stowell shooyl trooid yn Ellan as scuirr dy loayrt rish Gaelgeyryn elley.

Goaill toshiaght ‘sy twoaie ec Kione ny hayrey, ta Brian cur shilley er Thie ny Gaelgey ec Balley Keeil Yude; jeeaghyn er Ihong vooirchoorit er y traie ec Purt Lewaigie; feddyn magh mychione shennaghys ny meainyn ec Laksa; cur shilley er shamyryn Tinvaal; cooney lesh y Lego marish Mooinjer Veggey, y possan-cloie; as cur shilley er Purt ny hlnshey, Skylley Stondane as Creneash.

‘Sy jerrey, t'eh goll my-yiass gys y Cheyllys dy chlashtyn mychione ny mooirchooraghyn as ny cretooryn feie ‘syn ard shen.

Ec gagh boayl, ta Brian meeiteil rish Gaelgeyryn mie as goaill cowag dy neuformoil mychione cooishyn dy liooar. Gagh ayrn jeh'n turrys, t'eh goll er kiangley lesh shenn filmyn feer anaasagh va jeant ayns Mannin, paart jeu goll sheear gys ny bleeantyn feed.

She Manninagh dooie va Brian, fer jeh’n earroo feer veg shen dy leih va shin ooilley smooinaghtyn er myr tashtey ashoonagh, v’eh ny charrey firrinagh dooin ooilley. S’yindyssagh eh dy vel shin abyl dy yeeaghyn er ‘Y Turrys Taggloo’ as cooinaghtyn er.

My ta shiu laccal gynsaghey ny smoo mychione Mannin as e shennaghys, feddyn magh cre va goll er son y çhengey ain queig bleeaney as feed er dty henney, as clashtyn rish kiaull Manninagh, jeeagh er shoh!

This film was produced by Culture Vannin (Manx Heritage Foundation) and Duke Video in 1998.
The film is available to purchase as a DVD or as a digital download via Duke Video.